Iniziativa per la salvaguardia de 'l nome Favento
Favento's name preservation initiative
Quel qua de sora xe el stema de la parte nobile de la famiglia: i "de Favento", che però me par che i sia araldicamente estinti ... e cussì bixogneria vardar se ghe xe un qualche colateral che ga dirito a 'l titolo. Se no xe solo storia.
{12 setembre 2010 - agiornamento
un poco de tempo fa, sarà circa un mexe, me xe rivado un
mesagio per e-mail indove che iera scrito che el ramo nobile de
la familia no 'l xe araldicamente estinto: i eredi de le fie i
ga disiendenza e i ghe tien e a 'l titolo e a 'l stema anca se i
no i se ciama più Favento.
Iera scrito anche altro, ma no go l'autorizazion de publicar e cusì
dago solo che la notizia, che xe za cualcosa :-) }
Se gavè informazioni che volè veder publicade, o per qualsiasi altra domanda de argomento storico (ma sempre "de familia") podè scriver a 'l utente "storia" presso el nostro dominio. Ghe lasso a la vostra fantaxia el indovinar come scriver 'l indirizo giusto. "Orpo, cossa che no te podevi sprecarte de scriverlo?", penserè voi, e no gavè tuti i torti, ma savè ... co' tuti sti programeti che va in giro per l'Internet a rubar indirizi de posta per dopo mandar mesageti inutili, anche qua dovemo rangiarse.
Se no gavè voia de scriver e-mail, podè sempre lasar un mesagio in te 'l nostro forum. Ocori registrarse, ma la registrazion la xe libera :-)
Quindi sta a voi de trovar el giusto nome "@deifavento.org" a cui scriverghe. E me par de gaverve dado tuti i elementi: adeso basta meterli insieme.
Per el momento gavemo una serie de foto de quel che resta de la ferovia Trieste-Erpellie .
Ghe iera una volta un sito
interesante su Trieste indove che ghe iera un forum che legeva
in tanti:
www.triestemia.com
ma, come tute le robe bele el xe finido.
Un pochi de i naufraghi de TriesteMia i
ga trovado rifugio su
www.atrieste.org
indove che i se ga costruido una nova caxa.
Se gavè voia pasè pur a dar saludin :-)
No ste bazilar de andar su
atrieste.org
perchè xe solo che un rinvio a cuel altro URL .. cusì ...
tanto per sicureza :-)
Questi xe siti de "gente Favento" in te 'l Internet:
Se qualchedun ga notizie de i Favento i te 'l Internet che 'l mandi pur un e-mail: zonteremo in lista.
Franco, 8 dicembre 2006